今日係十月二十九號，時光飛逝，光陰似箭，快樂不知時日過，話咁快係香港已經逗留咗九日，放完咗第一個half term，琴日已經番到英國，又要繼績我嘅留學生活，又要再一次唔捨得香港，又要熱切期待六個星期後長達三個星期嘅聖誕節假期，先可以再番香港。係香港嘅九日入面，時間好似過得特別快，轉個頭就九日，我做過嘅野好似好少，唔係打波就係打機，唔係行街就係睇戲，唔係食飯就係吹水，番香港根本就係度假，好鬼享受。經過e個half term，睇黎我e家要開始温書啦，點解我咁講呢？因為番到香港我根本就唔會去掂d書，好似e個half term咁，帶左d書番去都無掂過，一月有三份數學考試，睇黎聖誕節我係香港都唔會點温嫁啦，但係我又好緊張d考試呀，所以e六個星期我要好好努力先得。

今日係十月七號 - 重陽節，e個節日對我黎講可能無咩關係，但係我好羨慕係香港嘅朋友有多一日假期，我就要好似平時咁番學。雖然生活過得好充實，每日放學就去打波，打完波六點就食飯，之後就做功課，温書同上網，但係每日都做同一樣野，有時都覺得幾苦悶。前日呀，無啦啦話有場interhouse嘅籃球友誼賽，既無球證，又無計分，咁我諗住只係去玩玩啦，對面d鬼仔見我隊五個人全部都係中國人，比賽就係咁推人，係咁犯規，同打交無分別，最底死就係佢地又唔認，原來佢地有兩個係唔識打，咁我都開始燥底，同佢地搏到盡，好唔好彩，最後俾佢地傷咗我一隻手指，我就下定决心係真正嘅interhouse比賽打敗佢地。講番d開心野，第二次數學測驗派咗啦，我有67/72，係全班最高分，真係好開心。仲有十日，仲有十日，我就可以番屋企啦，各位好朋友，記住係你地百忙之中抽空同我玩呀！

P.S. 呀權，你仲有三日就要飛啦，我地一班波友之中你係最大嘅一個、最成熟嘅一個、最有比賽經驗嘅一個，去到澳洲後要努力讀書呀！你、呀榮同我一齊加油吧，夜狼等緊我地早日歸隊嫁。